唇粹護理要留意

雖然春天氣候比較潮濕，但都唔好以為唔使做保濕！當中重災區尤其是唇部，而主要原因都離唔開紫外光、空氣污染等，久而久之乾紋就會累積成唇紋，當唇紋日漸加深，後果不堪設想……所以養成每日護唇嘅習慣就要即刻做起，就喺今個春季，多個護膚化妝品牌也有新推潤唇產品，姊妹們要試試邊支先係最啱自己！

shu uemura×AMBUSH 剔透寶石唇

每位女性都希望自己可以好似寶石咁璀璨奪目，人人都追住珍愛收藏。最近日本彩妝品牌shu uemura就同埋連G-Dragon都力撑嘅日本首飾品牌AMBUSH聯名合作，推出化妝護膚系列。而新系列當中，以全新金碧輝煌的包裝呈現的「深海溫泉活水潤唇膏」最備受用家喜愛！蘊含海洋深層水、透明質酸微粒等，能深層舒緩乾燥粗糙嘴唇，令雙唇回復柔軟彈性，配合同系列的Rouge Unlimited唇膏，可令唇部更水嫩柔滑，令唇妝帶有透明感。

shu uemura×AMBUSH深海溫泉活水潤唇膏 MOP 216.3

shu uemura×AMBUSH Rouge Unlimited唇膏 MOP 226.6

académie 「唇」抗老秘笈

唇部及其四周嘅肌膚都係非常脆弱，通常較薄且容易乾燥，加上呼吸、說話和進食時，令唇部四周的肌肉頻密地活動收緊，所以相比其他面部皮膚，嘴唇就更容易出賣年齡。有見及此，來自法國的醫學護膚品牌académie新推3D豐盈塑造唇霜，蘊含3D豐盈激活精華、透明質酸等成分，能促進膠原及透明質酸合成，讓嘴唇回復豐厚及水潤亮澤，從而達至抗衰老效果。配合同系列嘅柔和去角質霜一同使用，效果更好。

académie柔和去角質霜 HK$470

académie 3D豐盈塑造唇霜 HK$450

ALBION  豐唇唔使做手術嘅

豐滿亮澤嘅嘴唇分外性感，有唔少人甚至去做豐唇手術達至心目中理想效果，其實想個嘴豐盈啲啫，唔使用劍嘅！日本護膚化妝品牌ALBION 「EXCIA」系列的「雅思臻顏豐盈護唇精華」絕對是最佳代替品，它蘊含獨有豐唇配方，以及口輪匝肌活化成分，除了有效令雙唇飽滿，更可促進唇部血液循環從而改善角質層細胞新陳代謝，達至雙唇水潤柔滑的效果。

ALBION 「EXCIA」雅思臻顏豐盈護唇精華 MOP 495

fresh  軟唇更全面

講到潤唇產品，又點可以唔提來自美國嘅fresh。佢作為唇部護理嘅先驅之一，認為脆弱唇部肌膚護理同呵護眼部肌膚同樣重要，今個春天就推出全新「黃糖滋潤柔亮護唇筆」，可隨時隨地促進唇部肌膚新陳代謝，令雙唇瞬即透亮回復光澤，亦係品牌嘅黃糖護唇系列必備單品，比起一般潤唇膏更全面。

fresh黃糖滋潤柔亮護唇筆 MOP 205