花樣百出
《穿Prada的惡魔》中嘅惡魔Meryl Streep都講過:「Florals?For spring? ……Groundbreaking. 」每年春天都係興花！無錯，又係花！真係好震驚！雖然冇乜新意可言，但呢個已經係女士時裝界既定規則，你唔鍾意？佢都會繼續。不過興下花都冇乜唔好，又多色水，又夠大眾化人人鍾意，一定長賣長有季季興，最緊要係啲Designer可以用少一季腦！
Dolce&Gabbana（相關機構圖片）
La Vie en Rose
「玫瑰啊玫瑰，我愛你……」好老套係唔係？其實不知幾潮，事關《美女與野獸》大熱，一眾大牌都跟住出玫瑰產品，之前就有SWAROVSKI嘅聯名首飾擺件系列，而天橋上當然亦有唔少，當中包括Christopher Kane、Juicy Couture等等，不過要講到「花」款，最多玫瑰一定係Dolce&Gabbana，圖中呢條長裙要著上身真係唔易Carry，但當藝術品欣賞都OK嘅。不過玫瑰花都總叫人諗起Edith Piaf嘅《玫瑰人生》，鍾意玫瑰花都可以好文青。
Jo Malone 玫瑰沐浴香皂MOP 220/100g
由七種世界最珍貴的玫瑰花調製而成，搭配紫羅蘭碎葉與檸檬芬芳，清新醉人。
Jurlique玫瑰身體乳MOP 330/300ml
含有玫瑰、雛菊與紫錐花等滋養活性能量，能給予肌膚彈力與水潤。
BVLGARI Rose Goldea EDP 淡香水MOP 1,220/90ml
混合了玫瑰、石榴和茉莉的芳香，石榴的清香為頭，尾後再把玫瑰的香氣慢慢散發開來。
Melissa×《美女與野獸》Ultragirl粉紅色玫瑰花平底膠鞋 MOP 750
民族花 Exotic風
波希米亞民族風格從來鍾意飄逸感覺，因為波希米亞係崇尚自由，所以就算連身裙、褲等等，都偏向冇咁貼身，就好似Tory Burch呢條連身裙，帶有民族風格嘅花卉圖案，其實成條裙都係花本身會好Bulky，但圖案中用咗直條花邊穿插，就即刻順眼咗。S/S 17嘅民族花款，除咗TB 外，Fendi、Roger Vivier等等都有出，留意返。
Roger Vivier Viv’
深藍色牛仔布民族花卉刺繡圖案手袋
MOP 29,800
Tory Burch白色民族花卉圖案Print連身裙
MOP 6,580
Fendi Peekaboo白色民族花卉刺繡圖案皮革手袋
MOP 45,100
Tory Burch綠色民族花卉圖案高踭鞋
MOP 3,480
大「花」筒大晒
碎花圖案其實都幾蝦人著，尤其係細細粒嗰種「阿婆碎花」，會容易著肥人兼太「復古」。今個S/S 17大花圖案取而代之，就連平時鍾意玩Plain只玩撞色嘅Jason Wu都喺今季搞花臣，喺HUGO BOSS玩大花圖案，而佢自己嘅Jason Wu S/S 17都一樣玩大花。大花冇乜唔啱，但自問身材唔係咁好，就切忌學Model就咁著出街，最好搵外套、首飾配件遮下。
HUGO BOSS花卉橫間
連身裙 MOP 7,500
Salvatore Ferragamo黑色牛仔布花卉刺繡圖案矮踭鞋
MOP 6,150
Pandora 詩意盛放Moments 925銀手鏈及花卉串飾
MOP 599起
MAX & Co. 大花圖案連身裙 MOP 3,780
春日花海畫落袋
除咗一眾時裝品牌叫人眼「花」繚亂之外，最近趁春意漸濃，澳門銀河更帶來全新花海布置，當中就以「時尚匯」購物中心嘅明珠大堂最為矚目，以繡球花為主題，更聯同多位澳門本地藝術家合作，當中包括Mary Cheang、MCZ Thomas、PIBG、Sainter Eric 和VIT，為DFS旗下T廣場美妝世界獨家設計多款帆布Totebag，以及為商場布置畫作，只需於T廣場內購物滿一定金額即可獲贈，而且每天皆有藝術家駐場，替你自訂設Tote bag ！
Tote bag的設計同樣配合花卉主題。 這棵搶眼嘅樹形藝術裝置，展示了由六名澳門本土藝術家精心設計的帆布Tote bag。
