龍蝦海參任食

任食一直都大有捧場客，而澳門的任食種類都幾豐富，各式自助餐、日式放題、甜品任食都應有盡有。如今連中菜都迫不及待加入戰團，以為放題就會喺食物質量上待薄大家？咁諗就大錯特錯。皆因最近鷺環海天度假酒店的「觀海軒」，推出「盡享百款廣東美饌佳餚」主題不限時任食，超過100款菜式。一入座，餐廳更為每位奉上鮑魚一隻。而菜單也有「紅炆玉掌海參」、「迷你八寶冬瓜盅」、「火焰薑蔥波士頓龍蝦」等名貴菜式，全部可以無限添食！而甜品方面亦都一樣落足本，「秘製龜苓膏拌桂花糖」和「燕窩燉鮮奶」，異常吸引，保證食客捧腹而回。

海參、燕窩、龍蝦及魚唇可以無限添食，兩三味已經回本，超級抵食。（姚英傑攝）

雖然不在菜單當中，但一坐低餐廳就為每位奉上飽滿鮑魚一隻，誠意十足。

info

時間：18:30-22:00（逢周三）

價錢：MOP 288/位