新一年春妝注目Items

踏入1月，一年之初，好多化妝品牌都乘勢推出春妝新品，究竟今年興啲乜？天氣Keep住暖笠笠咁用咩好？姊妹們當然要讓繁花在臉上盛放，但又要似裸妝清爽為主，好矛盾，但又有計喎！

Clé de Peau春夏大推柔美裸妝，以追求和諧色調為主打。 （相關機構圖片）

Clé de Peau 定妝遮瑕裸妝粉底筆

裸妝粉底筆以傳光基底技術及反射光學作用聚焦改善粗糙膚色，成分當中嘅聚焦密粉可吸收多餘油脂防止妝容暗啞。水感膠囊配方將微細水分因子加入粉底中，油脂在碰觸肌膚溫度時溶化，水分因子則會被肌膚吸收，保持潤澤。配以今季大熱田園綠色「Eye Color Duo」炫亮眼影組合，眼影加入傳光粉末提升透光度，同時保持顯色效果，造出貼服持久嘅裸妝。

Clé de Peau鑽光粉底筆SPF17PA++MOP670/9g

Clé de Peau「Eye Color Duo」炫亮眼影組合MOP390/4.5g另配鏡盒及掃MOP155

MAKE UP FOR EVER氣墊唇釉勾劃一筆過

氣墊粉底早已大行其道，但MAKE UP FOREVER的Artist Acrylip氣墊唇釉你又試過未？其配方蘊含達50%蓖麻油，能保持色素及滋潤，但質感又輕盈不會黏膩，配方中的矽凝膠（Gel silica）能修飾唇部細紋及吸收多餘油分，使嘴唇時刻感覺清爽無負擔。在塗抹時，絲絨氣墊更能緊貼唇形，一筆就可以順暢勾勒。

MAKE UP FOR EVER「Artist Acrylip 」藝術大師氣墊唇釉MOP180/10色

bareMinerals礦物碎粉Sleeping Mask

Cream 狀Sleeping mask 的黏稠感往往令人難以入睡，bareMinerals的皇牌產品晚間修復粉今次加入專利礦物成分新配方再重新推出，如鈣、鐵、鎂、鉀及鋅等。產品不含香料，粉狀配方在睡眠時間收細毛孔，平滑膚質，猶如於晚間敷粉狀面膜，一覺醒來塊面變得柔滑光澤，同時又唔會搞到枕頭黐??。

bareMinerals晚間修復粉HK$520/ 4.2g

Les Merveilleuses LADURéE一向受日本妹歡迎，皆因其色彩與包裝都令人心動。春季限量版的仿真玫瑰花瓣形胭脂中，暗藏著唯一一片的心形花瓣，係咪夠晒浪漫呢？花瓣由人手打造，每片大小不一，糅合柔膚油分，讓胭脂緊貼肌膚表現出零粉感的水潤效果，更散發淡淡的玫瑰香氣。

Les MerveilleusesLADURéE限定心形花瓣胭脂HK$700胭脂盒HK$300