潮人拜年送禮佳品
過年送禮畀親朋戚友，係咪好傷腦筋呢？食落肚轉頭就消化咗嘅，彷彿太虛無，朱古力糖果咁邪惡就更加唔好食肥我啦！都係買啲實際嘢化算，尤其啲母親輩及老人家，更要花心思氹佢哋。
拜年送禮，梗係揀啲一家大細都啱用、又襟用嘅嘢最實際！
OSIM五寶照顧全家
打正旗號家庭型嘅OSIM乘勢推出「迎春五寶」，個名係有啲娘，但五寶有按摩手套、全新紅色3D暖暖枕、甜夢小蒸靈、按摩皇冠3及V手背墊卻又真係從頭到腳照顧你。五件中以「橫財就手按摩手套」最啱使，內置包覆性氣囊按摩有助紓緩雙手壓力及手指肌肉僵硬情況，無論係打得麻將多定揸得Mouse多，閒時都可揼一揼。
「橫財就手OSIM按摩手套」優惠價HK$1,088 （原價HK$1,280）
另外一寶「鴻運當頭按摩皇冠3」就最啱老人家同成日嗌頭痛嘅阿媽，成頂帽咁款嘅按摩器，結合氣壓按摩及振動按摩，能針對多個主要穴位如百會穴、陽白穴、太陽穴和風池穴進行按壓頭部及頸部，配合溫熱功能及音樂裝置，按完就可以腦輕鬆，壓力拜拜。
「鴻運當頭OSIM按摩皇冠3」優惠價HK$1,888 （原價HK$2,180）
姆明家品潮氣十足
CHOCOOLATE聯乘姆明（MOOMIN）其實非首次，但雙方家長今次除咗出衣飾，還有備受注目嘅姆明咕?套，有紅、藍兩色任擇；焦點所在嘅亞美造型手挽袋特別喺細節位加上立體效果，送畀年輕夫妻或潮人朋友就最啱。喺專門店購物滿指定金額更有套裝陶瓷杯送?。
CHOCOOLATE×MOOMIN咕?套MOP 309
CHOCOOLATE×MOOMIN亞美造型手挽袋MOP 369
生肖系列最後一擊
查實瑞士品牌Swatch由狗年開始，每年都喺農曆年期間推出一款生肖特別版手錶，嚟緊嘅雞年就係生肖系列第12隻，亦即係最後一隻，儲開就咪錯過嘞！雞年呢隻「ROCKING ROOSTER」以中國剪紙藝術為主題，紅色公雞在金色錶盤上相當耀眼，玩味十足，特別版圓筒形包裝更附有利是封兩個。
Swatch雞年「ROCKING ROOSTER」MOP 700
Swatch嘅特別版包裝向來落足本。
