送禮要睇

春天，除咗百花齊放萬物生機之外，更加係對阿媽表達愛意嘅季節。母親節下個禮拜日就到，為孝敬媽媽多年來湊大自己嘅辛勞，送花、請食飯、禮物又點少得，有見及此已為大家揀咗多款母親節送禮之選，總有一款啱心水！

CHA BEI 娘親人比花嬌

女士們往往難以抗拒鮮花嘅魅力，位於澳門銀河嘅品味生活咖啡館CHA BEI，更特意為母親節準備咗一系列精美限量嘅康乃馨鮮花禮盒及精品，替大家答謝辛勞嘅媽媽。精心設計嘅康乃馨花盒共有五款，以觸目橙、溫馨紫、高雅粉紅等為主調。此外咖啡館更特意推出，印有「DearMom I Love You 」名為Rosanna嘅咖啡杯，同樣能令媽媽笑逐顏開。每款禮品均附送心意卡一張，冧媽必備。

限量康乃馨鮮花禮盒

MOP 508

Swatch 我的「錶」準母

母親節送花悶？送花卉圖案嘅配飾可能更有心思。臨近母親節，瑞士手錶Swatch特別以花卉圖案為設計藍本，帶來名為PRIMEVERE嘅母親節限定版手錶，以花寄情。而禮物盒包裝設計就好似新鮮出爐嘅Cup Cake一樣，甜蜜溫馨，愛心糕點包裝配合跳脫粉嫩嘅花卉圖案，令阿媽更覺年輕。

包裝恰似紙杯蛋糕，彷彿飄來讓人垂涎欲滴的香氣，為母親帶來視覺享受之餘，亦唔會怕肥！

Swatch PRIMEVERE 

粉紅色花卉圖案

母親節限定手錶MOP 620

LUSH 請阿媽浸個香氛浴

每日辛勞打理家務嘅媽媽們都需要浸番個Relax浴，而英國手作護膚品牌LUSH最新嘅母親節香氛浴禮盒自然係首選。此禮盒包括多款可令人放鬆心情嘅汽泡彈、泡泡浴芭，讓忙碌嘅媽媽可以騰出一些悠閒時光，享受一趟陶醉不已嘅香氛浴。此外，禮盒中還有可以使肌膚柔軟的磨砂及潤膚產品、香甜的沐浴乳，以及令人放鬆的浸浴產品。想阿媽可以Relax下，鬧少一兩句，就買呢個畀佢！

快樂媽媽禮盒

MOP 1,100

LONGCHAMP 潮媽的「袋」表

女人多數都鍾意買手袋，媽媽都唔例外，而一個靚靚又實用嘅手袋更適合不過。法牌LONGCHAMP近日特別為母親節而設嘅春日手袋精選，即可為大家慳返唔少揀手袋嘅功夫，皆因不論你阿媽係Fashionable、比較Practical、優雅定係浪漫型都好，都總有一款啱佢嘅。當中包括適合媽媽進出隆重場合嘅Le PliageHeritage Luxe輕攜手袋、容量大又實用嘅Le Pliage Cuir Fleuri三用袋等等。

Le Pliage Cuir Fleuri

淡粉紅色花卉圖案

尼龍拼皮三用袋

MOP 6,250

Roseau Club

藍色條子鱷魚皮壓紋手袋

MOP 5,000