可持續發展潮流

人類自發展工業開始，就不斷濫用天然資源，漠視生態環境，根據科學期刊《自然》早年的數據指出，全球每天製造約350萬噸垃圾，唔使一個世紀，地球將被垃圾淹沒。時裝界一向畀人奢侈揮霍嘅印象，但其實早已有多位設計師追隨環保概念，當中包括VivienneWestwood、Stella McCartney等，採用環保物料、公平貿易等等，所以其實時裝都一樣可以好環保。

H&M 海岸廢料時裝

雖然有人指出Fast fashion就是浪費地球資源嘅兇手之一，因為啲衫太平，掉咗再買都唔肉痛，令好多衫褲即使未著過就已被棄置。可能因為咁，H&M作為Fast fashion始祖， 近年非常積極推動環保，旗下每年都推出嘅「Conscious Exclusive」系列就以廢料回收所製成。而最新一季此系列採用最先進可持續發展物料BIONIC， 係由再循環海岸廢料製成嘅聚酯纖維製造，其特質飄逸順滑， 製作裙款一流。

H&M「Conscious Exclusive 」淡粉紅色Ruffled 連身裙 MOP 1,990（相關機構圖片）

H&M「Conscious Exclusive 」藍色魚網Tote bag MOP 399

Ipanema 可回收沙灘拖

夏天又到，又係陽光與海灘嘅時候，去沙灘玩梗係著番對沙灘拖，但其實沙灘拖亦係沿海廢物最多之一，好多沙灘拖都唔係採用環保或可分解膠料，而環保拖鞋就一定非巴西拖王Ipanema莫屬，皆因其物料均採用可99%回收再使用嘅PVC膠料。而最新款都充滿濃厚暑假氣息，海灘圖案、水底景色等等，去沙灘玩都可為環保出一分力。

Ipanema粉紅×白色水底景色圖案女裝沙灘拖鞋 MOP 199

Ipanema 藍色海灘圖案男裝沙灘拖鞋 MOP 179

LUSH 多變花卉絲巾

英國手作護膚品牌LUSH向來以愛護動物見稱，嚴格實行環保及打擊動物測試政策，選用不會採用含動物成分及參與動物測試嘅供應商，愛護動物同樣係環保嘅另一重要課題。臨近母親節，品牌更特意推出一系列花卉絲巾，每條皆可循環再用，可用作包裹禮物，或當圍巾、頭巾或頸巾等等，送畀媽媽更開心。

LUSH 百合花環保奇蹟絲巾 MOP 75

LEVI’S  涼伴透氣牛

平時夏天著牛仔褲感覺悶焗難耐， 但其實著老牛都可以愈著愈涼爽。尤其係LEVI’S每年夏天都推出嘅Cool Collection牛仔褲系列。最近呢個系列採用全新COOLMAX  ECOMADE涼感物料，係可循環再造嘅環保合成牛仔布料，輕薄且透氣柔軟，具透濕排汗系統，通過四管道纖維將汗水同埋濕氣帶到布料表面揮發。另外亦加入彈力纖維，更加貼合人體曲線，柔軟、輕巧的穿著體驗令肌膚時刻保持通透清爽的狀態，猶如識呼吸嘅牛仔褲！

LEVI’S「Cool Collection」505直腳牛仔短褲 MOP 699

LEVI’S「Cool Collection 」511修身牛仔褲 MOP 899